Portiku poetik, tradita e artit të shkruar – karvan i Dibrës

Poetë të shumtë nga Shqipëria Kosova dhe Maqedonia ishin mysafirët e manifestimit  poetik ,, Portiku poetik,, që mbahet çdo përvjetor në Dibër.

Kryetari i Klubit letrar ,,Art klub,, nga Dibra, Nebi Samarxhiu duke përshëndetur të pranishmin tha se manifestimi i këtillë kulturor dhe tradicional është krenari e ditëve të kulturës dibrane, net që zgjojnë emocione dhe vlera poetike falë organizatorëve të këtij manifestimi.

Gjatë këtij manifestimi poetik  , fjalën përshëndetëse  e morri kryetari i komunës së Dibrës, Ruzhdi Lata i cili mes tjerash tha :” Vlera e pendës së shkrimit është vlera  juaj  , ky  aktivitet është në vazhdën e aktiviteteve të shumta  për nder të ditës së Flamurit,  meqë  në Dibër mbahen aktivitete kulturore, akademike, sportive etj. Në këtë  karvan poetik dëgjohet nektari i mendimit njerëzor dhe nga këto poetë do të marrin fjalën e shkruar artistike . Ata që posedojnë të shkruajnë fjali të shkurtra është vlerë e artit, thurjes, krijimtarisë dhe e gjitha kjo perceptohet nga një inspirim për familjen, shoqërinë dhe kombin. Përderisa rilindësit shkruanin për tokën shqiptare, tani ju shkruani në një gjuhë bashkëkohore , të lirë dhe moderne, theksoi Lata.

Në ,, Portikun poetik,, që u mbajt në Dibër u përuruan vepra e  shkrimtarit Prof. Dr.  Nehas Sopaj  , libri ,, Algjet,, dhe libri i poetes dibrane M-r. Delvina Kërluku ,, Fjordet e vetmisë,,.

Në orën madhe letrare  u lexuan poezi të shumta nga ana e poetëve të ndryshëm nga trojet shqiptare si Kujtim Stana, Halit Basha, Rrahim Ganiu, Iljaz Osmani, Pajazit Murtishi , Rami Kamberi etj.

Arbana Qormemeti