Arben Agolli është lindur dhe rritur në Dibër. Në qytetin e tij amë ka kryer edhe shkollën fillore dhe të mesme.
Studimet në degën e mjekësisë i ka kryer në Prishtinë ndërsa specijalizimin nga lëmia e pediatrisë në Shkup.
Aktualisht ai është drejtor i IPSH “Pedijatria-D” në Dibër me 5 të punësuar dhe mjek amë i rreth 4000 fëmijëve në qytet.
Ai gjithashtu ka qenë edhe këshilltar i kuvendit të parë pluralist të Dibrës nga rradhët e PPD si dhe gjithë kohën aktiv në të gjitha evenimentet e qytetit.
Në Dibër doktor Arbenin të gjithë e njohin si njeri familjar dhe shembullor, shumë human ku gjatë gjithë kohës ka ndihmuar çdo njeri që i është drejtuar, Doktor Arbeni thuajse u ka shërbyer dhe ndihmuar të gjitha familjeve dhe fëmijëve dibran në klinikën e tij.
Ai llogaritet si favorit në raundin e dytë në krahasim me kryetarin e deritanishëm Ruzhdi Lata, sidomos kur dihet se qytetarët nuk janë ndarë shumë të kënaqur me punën e kryetarit të deritanishëm në mandatin e kaluar.
Arben Agolli pritet të përfitojë edhe nga koalicioni i bërë mes Lëvizjes Besa dhe Aleancës për Shqiptarët. Sipas marrëveshjes, kandidati i Aleancës për Shqiptarët në komunën e Dibrës, Arben Agolli pritet të ketë mbështetjen e plotë të Lëvizjes Besa dhe kandidatit për kryetar nga Uniteti Shkëlqim Xhafa në rrethin e dytë të garës për kryetar komune./InfoShqip.com