Pedofilia dukuri shqetësuese në Dibër, dhunohet një i ri me të meta mendore

Jo më shumë se  dy muaj, në komunën e Dibrës ka pasur dy raste te pedofilisë. Viktim e kësaj dukurie ka qenë një fëmije të mitur me të meta mendore.

Sipas burimeve të sektorit të brendshëm, policia e Dibrës arrestoi 65 vjeçarin i cili ka dhunuar seksualisht të riun I. SH, 21 vjeçar gjithashtu nga Dibra. Kundër personit B.D. 65 vjeçar është dërguar padi penale nga ana e gjykatësit hetues të Gjyqit themelor nga Gostivari, dhe i njëjti është arrestuar në periudhë kohore prej tetë ditë.

“Ngjarja ka ndodhur më datë 12 të këtij muaji, kur personi i arestuar B.D , djaloshin e ri e ka takuar në një nga rrugicat e qytetit dhe me dhunë e ka futur në veturën e tij. Më pas e ka dërguar në një shtëpi të vjetër të pabanuar në periferi të qytetit ku ka kryer dhunim fizik ndaj tij. I riu ka mbetur në vendngjarje duke e vënë në presion që këtë ngjarje mos e tregon në polici, ndërsa dhunuesi është kthyer në qytet, deklaroi për Portalb, Stefan Dimovski, zëdhënës i SPB në Ohër.
Në momentin kur B.D. e ka shtyrë më dhunë  djaloshin e ri në veturën e tij , menjëherë rastin e ka paraqitur  një kalimtar i rastit në sektorin e punëve të brendshme në Dibër, , me ç’rast policia e Dibrës ka nisur hetimet. Kontrollet mjekësore që i janë bërë viktimës në Shtëpinë e shëndetit në Dibër tregojnë dhe dëshmojnë se i riu 21 vjeçar është dhunuar seksualisht nga ana e të moshuarit. /Arbana Qormemeti